Iraurgi Berritzen garapen agentziaren Urola Turismoa Sailak antolatutako Loiola Bailara, historia eta paisaia bazterrak izenburuko bisita gidatu sortaren abuztuko hirugarrenak izango dira aste honetako bisitak. Loiola: San Ignazioren omenez egindako santutegi barrokoa izenburuko bisitak dira biharko eta ostegunerako antolatutakoak; asteazkenekoa gazteleraz izango da, eta ostegunekoa euskaraz. Bi egunetan 12:00etan hasiko dute bisita Loiolako Turismo Bulegoan elkartuta. Ordu eta erdiko iraupena izango dute bisitek.
Bisitak doan dira, baina parte hartzeko aurrez izena ematea komeni da. Horretarako, 943-15 18 78 telefono zenbakira deitu, 688 75 94 29 telefonora whatsapp mezu bat bidali edota i-loiola@urolaturismoa.eus helbide elektronikora mezu bat bidali beharko da.