Dagoeneko itxuraldatuta dago Euskal Herria auzuneko skate parkearen ingurua. Ez dago arranplen arrastorik, eta aparkalekuak eraikitzen ari dira. Duela hilabete inguru eraitsi zuten skate parke zaharra, eta azken asteetan aparkalekuak egiteko obrak egiten ari dira gune horretan.
Obren lehiaketa publikoa egin ostean, ekainean hasi ziren skate parke zaharra kentzen. Art eraikuntzak SL enpresa ari da obrak egiten, eta bost hilabeteko epean lanak bukatuta egotea aurreikusten du Azpeitiko Udalak. Aparkalekua egokitzeko obrek 333.037,21 euroko aurrekontua izango dute.