Baigera jubilatuen elkarteak antolatuta, Etumetara ibilaldia egingo dute irailaren 30ean, larunbatez. Mendizaleak San Martin egoitzatik abiatuko dira 09:00etan, eta Errezilgo auzo horretara iritsi ostean, Zestoara joango dira. Izan ere, Zestoako jubilatuen jatetxean hamaiketakoa egingo dute. Ondoren, lineako autobusean itzuliko dira herrira.
Mendi irteeran parte hartu nahi duenak irailaren 6tik 27ra artean izango du izena emateko aukera, hamabost euro ordainduta.