Azpeitiko Udalaren eskariz, Kastellanuek ikus-entzunezkoa ekoiztu zuen Jon Maiak iaz. Francoren diktadura garaian Espainiatik, bereziki Extremaduratik, Azpeitira etorritako pertsonen testigantzak bildu zituen Maiak ikus-entzunezkoan, eta Soreasun aurkeztu zuen azaroan. Herritarrek harrera beroa egin zieten dokumentalari, eta goraino bete zen Soreasu antzokia. Herritarren eskariz, ikus-entzunezkoa berriro eskaintzea erabaki du Azpeitiko Udalak. Ostegunean, irailaren 7an eta Extremaduraren Egunaren bezperan, eskainiko dute dokumentala Soreasun, 21:00etan hasita.
21:00etan hasita emango dute dokumentala, eta emankizuna doakoa izango den arren, gonbipena hartu beharko da. Honako lotura honetan har daitezke gonbidapenak.