Beste urte batez, Oñatz tenis klubak antolatuta eta Kirol Patronatuaren eskaintzaren barruan, tenis eta padel ikastaroak eskainiko dituzte datozen hilabeteetan. Dagoeneko ireki dute 2023-2024 ikasturterako izen-ematea.
Irailaren 28tik ekainaren 20ra eskainiko dituzte ikastaroak Udal Kiroldegiko tenis eta padel pistetan. Urtero bezala, ikastaroak adin guztietako eta maila guztietako pertsonei zuzenduta daude, eta taldeak mailaren eta adinaren arabera banatuko dituzte. Honako hauek dira egongo diren sei mailak: Txiki-tenis –5 urtetik aurrerako gaztetxoei zuzenduta–, Hastapena, Hobekuntza, Teknifikazioa, Lehiaketa eta Nagusiak.
Ikastaroetan izena eman nahi dutenek edo informazio zehatzagoa nahi dutenek, 606-34 16 08 (Joni) eta 685-76 18 63 (Iñaki) telefono zenbakietara dei dezakete.