Denboraldi aurreko ona eginda, 2023-2024ko ligako aurreneko jardunaldia jokatuko du bihar, zapatua, Espainiako Hirugarren Mailako Lagun Onak futbol taldeak. Azpeitiko futbol klubeko gizonen talde nagusiak etxean hasiko du denboraldi berria Pasaiaren aurkako partidarekin. 17:30ean hasiko da neurketa Garmendipeko futbol zelaian.
Lagun Onakeko gizonen bigarren taldeak ere asteburu honetan hasiko du sasoia. Gizonezkoen Ohorezko Erregional Mailako taldeak Urolaren kontra jokatuko du bihar, zapatua, 15:30ean, Garmendipeko belar artifizialeko futbol zelaian.
Lagun Onakeko emakumeen talde nagusiak irailaren 23 eta 24ko asteburuan hasiko du Emakumezkoen Ohorezko Erregional Mailako liga. Etxetik kanpo jokatuko dute aurreneko jardunaldia, Ostadarren kontra, Lasarte-Orian (Gipuzkoa).
Bazkide txartelak jasotzeko
Lagun Onak futbol klubak adierazi du bazkide txartelak jasotzeko aukera gaur, ostirala, izango dela 18:00etatik 19:30era Garmendipe futbol zelaiko leihatilan. Bihar, berriz, partidaren aurretik 16:30 alderako irekiko dute leihatila.