Astelehenean Patxi Ibarzabalen hitzaldiarekin hasi zen Oroimen Historikoaren Astearen barruko bigarren hitzaldia atzo eskaini zuten Basazabalen.
Frankismoak gerra garaian zein gerraosteko urteetan errepresaliatu zituen hainbat euskal emakumeren memoria berreskuratu eta azaleratu du Jone Zuloaga Aranzadiko historialari azkoitiarrak bere ikerketa lanarekin, eta emakume horietaz eta pairatu zuten errepresioaz hitz egin zuen atzo Basazabal jauregian, Emakumeen aurkako errepresio frankista gerra garaian eta gerra ostean (1936-1945) hitzaldian.
Bihar, Loiolan
Azpeitiko Udalak eta Aranzadi zientzia elkarteak antolatu duten Oroimen Historikoaren Asteko azken hitzordua bihar arratsaldean izango da Loiolan.
19:00etan hasita, Eusko Gudarosteak Loiolan duen oroimen gunera bisita gidatua egingo dute, Javi Buces Aranzadiko historialariak gidatuta.
Jone Zuloaga, Basazabalen. (Azpeitiko Udala)