2023-2024 denboraldiari ekiteko prest dira Lagun Onakeko emakumeen lehen taldeko kideak. Eguzkiñe Peñak gidatzen duen Emakumeen Ohorezko Erregional Mailako taldeak bihar, larunbata, ekingo dio ligari, Ostadar-Saiarre taldearen kontra Lasarte-Oriako Michelin futbol zelaian jokatuko duen partidarekin. 15:30ean hasiko da neurketa, eta garaipenaren bila joango dira azpeitiarrak, sasoiari behar bezalako hasiera emateko intentzioarekin.
Gizonen talde nagusiak, berriz, joan den asteburuan hasi zuen liga, etxean; horrenbestez, kanpoan lehiatzea egokituko zaio oraingoan. Iban Fagoagaren mutilek Urdulizen kontra neurtu beharko dituzte indarrak bihar, 17:00etatik aurrera, Iparralde futbol zelaian.