Irailaren 27an, asteazkenean, 48 urte beteko dira Francoren erregimenak Angel Otaegi, Juan Paredes Manot Txiki eta FRAPeko Jose Luis Sanchez Bravo, Ramon Garcia Sanz eta Humberto Baena fusilatu zituela. Urteurren horren harira, aurten ere hainbat oroimen ekitaldi antolatu ditu Azpeitiko ezker abertzaleak.
Irailaren 27an, Gudari Egunean, Nuarbeko hilerrian lore eskaintza egingo dute Angel Otaegi gogoan. Ohiko modura, 19:00etan egingo dute lore eskaintza. Ekitaldi nagusia, berriz, larunbatean egingo dute, irailaren 30ean. Iaz bezala, Nuarben egin ordez Azpeitian bertan egingo dute ekitaldi nagusia, Azoka Plazan, 19:00etan hasita.
Independentziarako indarra! lelopean egingo ditu ezker abertzaleak aurten Gudari Egunaren bueltako ekintzak, eta antolatutako ekimen guztietan parte hartzeko deia egiten diete azpeitiar guztiei.