Ahalduntzea: nola eragiten du emakumeon egunerokoan? izeneko hitzaldia eskainiko du Pepa Bojo psikologoak urriaren 4an, asteazkenez, Azpeitiko Emakumeen Txokoan. Hitzaldia irekia izango da, eta 18:30ean hasiko da.
Bojo urte luzez aritu izan da Azpeitian Jabetze Eskoletako ahalduntze taldeak dinamizatzen, Gipuzkoako beste hainbat herritan bezalaxe. Lan horretan oinarrituta, Gipuzkoako ahalduntze taldeen inguruko ikerketaren emaitzak plazaratuko ditu urriaren 4ko hitzorduan. Besteak beste, ahalduntze taldeek emakumeengan duten eragina azalduko du solasaldian zehar.