Uztarria hasi da bazkideei etxez etxe urriko aldizkaria banatzen. Hil honetako aldizkarian, ohi bezala, askotariko edukiak landu ditu komunikazio taldeak, eta tartean da Lagun Onak klubaren emakumeen taldearen inguruan Nerea Uranga eta Unax Larrañaga kazetariek egindako erreportajea. Honako hau aurrerapen bideoa da.
30 urte bete dira aurten Lagun Onak futbol klubaren emakumeen taldea osatu zutenetik. Hiru hamarkada igaro dira, eta ezin ahaztu urte guztiotan egindako lan gogorra, hain zuzen ere, futbolarekiko zaletasuna egungo belaunaldietako emakumeek txikitatik goza dezaten ahalbidetu duena.