Mugimendu Feministak deituta, greba feminista orokorra izango da azaroaren 30ean Euskal Herrian, "zaintzarako eskubide kolektiboaren alde". Hori dela eta, greba egunera begira lanean hasteko Azpeitiko emakumeen bilera irekia egingo dute urriaren 5ean , ostegunez, Emakumeen Txokoan. 18:30ean jarri dute hitzordua, eta interesa duen edonor bertara daiteke batzarrera.
"Pertsona guztiok bizi osoan zehar, askatasunez eta konpromisoz zaintzeko eta zainduak izateko eskubidea" aldarrikatuko dute azaroaren 30ean. Grebaren deitzaileek adierazi dutenez, urriaren 7an aurkeztuko duten "herri akordioa" izango dute oinarri: "Urriaren 7an aurkeztuko dugun Herri Akordioa izango dugu oinarri: Sistema kapitalista, arrazista eta heteropatriarkala gainditu eta guztion bizitzak erdigunean jarriko duen euskal zaintza sistema publiko eta komunitarioa defendatzera goaz".