Jubilatuen eta Pentsiodunen Nazioarteko Eguna da gaur, urriko lehen eguna, eta Baigera Azpeitiko jubilatu eta pentsiodunen elkarteko kideak egun hori ospatzen ari dira. 13:00etan, pentsio duinak aldarrikatzeko elkarretaratzea egin dute Azoka Plazaren atarian, eta 14:00etan hasita, bazkaria izan da Azoka Plazan. Hainbat lagun bertaratu da bazkaltzera, eta giro ederra sortu da. Bazkalostea girotzeko, berriz, erromeria izango dute han bertan.