Amaitzear da alokairurako dirulaguntzen eskaera egiteko epea; izan ere, laguntzak eskatzeko asmoa duten herritarrek hilaren 15era arteko epea izango dute horretarako.
Maiatzean zabaldu zuen Azpeitiko Udalak alokairurako laguntzak eskatzeko aukera, eta gazteek ez ezik, mugikortasun urria duten herritarrek, banandutakoek edo dibortziatutakoek, 70 urtetik gorakoek eta alargunek egin ditzakete eskaerak.
Gazteen kasuan, ezinbestekoa da Eusko Jaurlaritzaren Gaztelagun programan laguntza eskaera eginda izatea. Era berean, diru laguntzak eskatzen dituztenen alokairuaren errentak hilero 650 euro baino gutxiagokoa izan behar du.