Azaroaren 16an, 18:00etan, zabalduko dute Domusa Teknik 40MLK mendi lasterketaren hirugarren edizioko izen-ematea. 2024ko maiatzaren 4an egingo dute lasterketa, pasa den hilean antolatzaileek jakinarazi zutenez, eta aurtengo edizioak bi ibilbide ezberdin izango ditu; 65 kilometrokoa eta 26 kilometrokoa.
Antolatzaileek azaldu dute lasterketa nagusirako 550 dortsal egongo direla eskuragarri; laburrerako, aldiz, 250. Horrez aparte, "data eta ordua" gordetzeko deia egin dute antolatzaileek, aurreko urtean dortsalak bi orduren baitan agortu baitziren.