Beheko mailetatik hasi eta gorengo mailetara, 27 saskibaloi talde ariko dira 2023-2024 denboraldian Iraurgi saskibaloi klubaren izenean. Atzo arratsaldean aurkeztu zituzten gizonen eta emakumeen talde nagusiak Loiolan, Azpeitiko eta Azkoitiko udaletako eta Gipuzkoako Foru Aldundiko ordezkariekin batera egindako agerraldian. Besteak beste, han izan ziren Nagore Alkorta Azpeitiko alkatea eta Jon Oteiza kirol batzordeburua, Ana Azkoitia Azkoitiko alkatea eta Goizane Alvarez kiroletako foru diputatua.
Yon Gonzalezek gidatzen duen gizonen Juaristi ISBk bihar ekingo dio Zilarrezko LEB ligari, 18:00etan hasita, Azpeitiko kiroldegian jokatuko duen norgehiagokarekin.
Joseba Lizarraldek gidatzen duen Domusa Teknik ISBk, berriz, gaur jokatuko du Espainiako LF2 ligako lehen jardunaldia, Lleidaren kontra, Lleidan (Katalunia). 19:00etan hasiko da partida.