Iaz egindako (Ez)amatasunak ikuspegi feministatik jardunaldiei jarraipena emateko, Kale edo bale, ahaidetasun feministetara jardunaldiak antolatu ditu Emagin formazio eta ikerketa feminista elkarteak aurtengo udazkenerako. Hain zuzen, ahaidetasunen, gurasotasunen eta amatasunen gainean hausnartzeko hiru mintegi egingo dituzte guztira, eta horietatik aurreneko gaur goizean egin dute Azpeitiko Emakumeen Txokoan. Amatasunen "ondoezez eta erresistentziez" aritu dira batetik, eta Azpeitiko Amen Sareko kideek beraien esperientziak kontatu dituzte bestetik. Dozenatik gora lagunek parte hartu dute mintegian.
