Urteroko ohiturei jarraiki, ikasturte hasierako batzar irekia deitu zuen Azpeitiko Gaztetxeak joan zen ostiralerako, eta hainbat izan ziren deialdira bertaratu ziren gazteak. 18:30ean zuten jarrita hitzordua, eta egindako batzarrean hasi berri den ikasturterako erronkez, asmoez eta lantaldeen jardunaz azalpenak eman zituzten Gaztetxeko kideek. Era berean, Gaztetxeko txoko desberdinak ezagutzeko aukera izan zuten bertaratu zirenek, eta amaieran pizzapotea egin zuten. Batzar irekia eginda, datozen asteetan ohiko martxari ekingo diote asanbladako kideek.
Aurreratu dutenez, datozen asteetan hainbat musika ekintza egitekoak dira, eta horien antolakuntzan dabiltza. Dena den, aurrerago emango dituzte horren inguruko xehetasunak.
(Argazkiak: Azpeitiko Gaztetxea)