Ostiralean, urriaren 13an, "artea jendearengana gerturatzeko" asmoarekin ekintza piktorikoa egingo du Maria Goñik herriko plazan. 18:00etan hasiko da lanean. "Nire helburua artea gizarteari gerturatzea da. Nire ustez arteak ez duelako gutxi batzuei zuzenduta egon behar", azaldu du Goñik. Artistak nahi duena da ekintza egiten ari den bitartean jendea gerturatzea eta haren lanaren prozesua gertutik jarraitzea. "Jendeak modu batean prozesuan parte hartzea da ekintzaren helburu nagusia", azaldu du Goñik.
Goñik Lainoak erakusketa izan zuen zabalik apiriletik maiatzera bitartean Sanagustin kulturgunean, eta nolabait lan harekin lotura izango du ostiraleko ekintza piktorikoak paisaiari eta zeruari lotura emanez; hala ere, herri paisaia izango du nagusi ostiraleko ekintzan. Ispilua erabiliko du tresna bezala, eta "ispiluan islatutako irudietaz" baliatuko da bere konposizio pertsonala sortzeko.