Erakusketa berria martxan da Sanagustin kulturgunean. Atzegik jarri du erakusketa berria, Ni zu bezala izenburuarekin. Hainbat argazki, esaldi eta lelo jarri dituzte kulturguneko paretetan. Argazkietan, Azpeitiko eta eskualdeko Atzegiko hainbat kide ageri dira, beste hainbat ekintzatan parte hartzen. Haien zaletasunak, ohiturak eta gaitasunak erakutsiz, "edonork bezala desirak eta beharrak" dituztela bistaratu nahi du desgaitasun intelektuala duten pertsonen aldeko Gipuzkoako elkarteak. "Ni zu bezalakoa naiz" edo "onar nazazu naizen bezala" gisako esaldiak ere irakur daitezke erakusketan.
Urriaren 22a arte ikusgai egongo da Ni zu bezala erakusketa Sanagustinen.