Urriaren 6an jokatu zuten Azpeitiko Erremonte Txapelketaren 22. edizioaren lehen jardunaldia, Izarraitz pilotalekuan. Gaur, 19:00etan hasita, txapelketaren bigarren jardunaldia jokatuko dute leku berean. Partida batean, Gurrutxaga-Larrañaga bikotea Ansa II.a-Zubiri bikotearen kontra ariko da; eta bestean, Urriza-Apezetxea bikotea Loitegi-Azpiroz bikotearen kontra.
Ligaxka faseko hirugarren jardunaldia urriaren 20an izango da, eta final handia urriaren 27an, neurketa horiek ere Izarraitz pilotalekuan, 19:00etan hasita.
Jardunaldi bakoitzerako sarrerak bost euroan eros daitezke Izarraitz pilotalekuko leihatilan, baina herritarrek gonbidapenak lortzeko aukera dute Loiolako Turismo Bulegoan eta ISBren Garagardo Azokan.