Katxalin elkarteko kideek ohiko diru bilketa egingo dute bihar goizean zehar. Izan ere, ostegunean, hilaren 19an, Bularreko Minbiziaren Nazioarteko Eguna da, eta elkarterako dirua lortzeko postua jarriko dute Sanagustinpean, 09:30etik 13:00etara bitartean.
Xingola arrosak banatuko dituzte laguntzaren trukean eta, besteak beste, informazioa, liburuxkak eta loteria ere izango dituzte postuan elkarteari laguntzeko. Kideek jakinarazi dute laguntza oro izango dela ongietorria.