Katxalin elkarteko kideek ohiko diru bilketa egiten ari dira gaur plazan. Izan ere, ostegunean, hilaren 19an, Bularreko Minbiziaren Nazioarteko Eguna da, eta elkarterako dirua lortzeko postua jarri dute Sanagustinpean 09:30ean, eta han izango dira 13:00etara bitartean.
Xingola arrosak banatzen ari dira laguntzaren trukean eta, besteak beste, informazioa, liburuxkak eta loteria ere badituzte postuan elkarteari laguntzeko. Kideek jakinarazi dute laguntza oro izango dela ongietorria.