Jakoba Errekondo agronomo eta paisajistaren solasaldira bertaratzeko aukera izango dute bihar arratsaldean Azpeitian. Ilargia eta landareak agenda aurkeztuko du hizlariak bertan, eta gerturatzen direnen zalantzak argitzeko ere baliatuko du tartea; hala nola baratzea, fruitu arbolak, lore baratzea eta basoaren inguruko galderak erantzungo ditu.
Argiak eta Elikaguneak antolatu dute solasaldia, Azpeitiko Udalaren laguntzarekin. Azoka Plazan izango da, 18:30ean, eta parte hartzeko interesa dutenek honako lotura honetan egin dezakete izen-ematea.