Ohi bezala, Trikigiro kultur elkarteak eta Kulturaz kooperatibak elkarlanean Trikigiro eguna antolatu dute. Hori horrela, ostiral honetan zortzigarren edizioa ospatuko dute, eta herria musikaz betetzeko asmoz hainbat ekintza antolatu dituzte arratsalde parterako.
Trikiti giroan murgilduta igaroko dute arratsalde osoa trikitilari zein pandero jotzaileek, eta gauera arte luzatuko dute festa. Honakoa da ostiralerako prestatu duten egitaraua:
- 19:00. Trikitilari gazteen emanaldia Sanagustin kulturgunean.
- 20:00. Kalejira eta argazki erraldoia.
- 21:00. Afaria Sanagustin kulturgunean. (Afarirako txartelak agortuta daude).
- 23:00. Erromeria.