Urriaren 6an jokatu zuten Azpeitiko Erremonte Txapelketaren 22. edizioaren lehen jardunaldia, eta urriaren 13an ligaxkako bigarrena, Izarraitz pilotalekuan. Gaur, 19:00etan hasita, txapelketaren ligaxkako hirugarren eta azken jardunaldia jokatuko dute leku berean, hiru setetara. Partida batean, Ansa II.a-Zubiri bikotea Aldabe-Juanenea bikotearen kontra ariko da; eta bestean, Ezkurra II.a-Martirena bikotea Loitegi-Azpiroz bikotearen kontra.
Gaurko jardunaldian final handia zeinek jokatuko duten erabakita geldituko da. Txapelketaren finala urriaren 27an, jokatuko da Izarraitz pilotalekuan, 19:00etan hasita.
Jardunaldi bakoitzerako sarrerak bost euroan eros daitezke Izarraitz pilotalekuko leihatilan, baina herritarrek gonbidapenak lortzeko aukera dute Loiolako Turismo Bulegoan.