Bihar goizean autoen motor hotsa nagusi izango da Urrakiko maldetan. Urrakiko 41. Igoera 10:00etan hasiko da; ordu horretan hasiko den entrenamendu txanda bakarraren ondoren etorriko dira bi txanda puntuagarriak.
77 gidarik eman dute izena Euskal Herriko automobilismoaren proba zaharrenetakoaren azken aldia izan daitekeenean parte hartzeko; Lagun Artea eskuderiak antolatutako azkena izango da biharkoa, eta ikusi egin behar erreleborik baduten.
Gaur arratsaldean, izena emandako gidariak eta autoak Epaitegien aurreko aparkalekuan elkartu dira, egiaztapen teknikoak eta administratiboak egiteko, eta ohiko ikusmina piztu du hitzorduak autozaleen artean.