El Columpio Asesino musika taldea ibilbidea amaitzear da, eta horren aurretik Amarba Baja izeneko biraren barruan emango dituen hainbat kontzertu iragarri ditu. Geldialdi horietako bat Azpeitian egingo du abenduaren 16an, 23:00etan. Hain zuzen, Iruñetik kanpo eskainiko duen azken kontzertua izango dela jakinarazi du Kulturaz kooperatibak.
El Columpio Asesino 1999an sortutako Iruñeko musika banda da. Nekez sailka daitekeen estiloa du, rocketik punkera doana, baina beti oso pertsonala, elektronika eta sintetizadoreak nahastuz.
Atzotik salgai daude abenduaren 16rako sarrerak Kulturaz.eus webgunean, 25 euroan.