Azaroaren 12an, igandez, egingo dute aurtengo Behobia-Donostia lasterketa. Azken urteetan egin ohi duen moduan, lasterkariak irteeraraino eramango dituen autobusa antolatu du Azpeitiko Udalak.
55 pertsonentzako lekua egongo da autobusean eta zerbitzua erabili nahi dutenek igerilekuan eman beharko dute izena, sei euro ordainduta. Horrez gainera, udalak jakinarazi du autobus zerbitzua joateko soilik izango dela eta itzulera nork bere kabuz egin beharko duela. Lasterketaren egunean 07:30ean aterako da autobusa anbulatoriotik.