Odol Emaileen Elkarteak odola ateratzeko hitzordua jarri du biharko, asteazkena. Parrokiaren Soreasuko lokalean izango da horretarako aukera, 16:30etik 20:30era bitartean –lokalera sarrera Perez Arregi plazatik Soreasu antzokira arteko pasabidean dago–.
Odola eman ahal izateko aurrez hitzordua hartu beharko da, aurrez online txanda hartu gabe dutenek, bihar bertan, 943-00 78 84 telefono zenbakira deitu beharko dute, 08:30etik 13:30era bitartean. Aurrenekoz odola emateko asmoa dutenek ere aurrez hartu beharko dute hitzordua, aurrez aipatutako telefono horretara deituta.