Igande eta jaiegunetan ohikoa den moduan, gaur ere dozeanaka izango ziren kirolerako arropa jantzi eta korrika zein oinez Azkoititik buelta egitera irtengo ziren herritarrak, eta haietako askok Loiolan geldialdia egingo zuten hamar metrotik gorako zuhaitza lurrean etzanda ikusi dutenean. Udaltzaingoak hedabide honi ziurtatu dionez, bart gaueko haize zakarra izan da zuhaitza bota duena, eta behin lurrean zela ikusi dute aurrez ustelduta zegoela.
Loiolakoa, ordea, ez da izan haizeak eraitsi duen zuhaitz bakarra. Sistiaga Errekara bidean beste bat bota duela jakinarazi du Udaltzaingoak, Oñatzera bidean ere bai, eta baita Xoxotera bidean ere, Sagatseta baserria baino goraxeago.