Gaixotasun Hemorragiko Epizootikoa (GHE) Euskal Herrira iritsi da, baita Azpeitira ere. Eltxoek transmititzen dute birusa abelburutik abelburura, eta askotariko sintomak eragiten ditu animaliengan; kasurik larrienetan, hil egiten dira. Oñazko Zelaiaran baserrian, esaterako, hamabost behi kutsatu dira, eta hiru hil. "Egoera zaila" izaten ari da ganaduzaleentzat, eta laguntza eskatu diete erakundeei.