Urola Erdiko Kontseilu Sozialistak oinarrizko produktuen ikasturteko lehen bilketa egingo du hilaren 9tik 11ra bitartean. Ogi apurrik ez! lelo hartuta, Azkoitian, Azpeitian eta Zestoan bilduko dituzte produktuak hiru egun horietan: Azkoitian, BM eta Eroski txikiaren kanpoaldean; Azpeitian, Juan XXIIIko eta Sanjuandegiko Eroski saltokien atarian; eta Zestoan, Gesalaga kalean.
Ostegunean, azaroaren 9an, 17:00etatik 20:00etara jarriko dituzte produktu bilketarako postuak; ostiralean, azaroaren 10ean, 10:00etatik 13:00etara eta 17:00etatik 20:00etara; eta larunbatean, hilaren 11n, 10:00etatik 13:00etara gauzatuko dute bilketa.