Promozio mailako Lau eta Erdikoaren txapelketako bigarren finalaurrekoa jokatu zuten atzo Alberdi II.ak eta Zubizarreta III.ak Amasa-Villabonan (Gipuzkoa). Unai Alberdik lanak eman zizkion aurkariari, baina ez zuen lortu finalerako txartela, 19-22 galduta. Aurretik hasi zen pilotari azpeitiarra, eta gertu-gertu ibili zen partida guztian, baina Julen Egiguren herrikidearen kontra txapela jokatzeko aukera bidean gelditu zitzaion.
Txapelketako finala datorren larunbatean jokatuko du Julen Egigurenek Zubizarreta III.aren kontra. Tolosako (Gipuzkoa) Beotibar pilotalekuan izango da, 17:15ean. Egiguren V.arentzako Promozio mailako Lau eta Erdikoaren txapelketako hirugarren finala izango da datorren zapatukoa.