Euskararen aurkako oldarraldia salatuko dute gaur arratsaldean Bilbon, Euskalgintzaren Kontseiluak eta beste hainbat eragilek deitutako manifestazioan. Oldarraldiaren aurrean, euskararekin bat, euskaraz bat lelopean antolatu dute martxa "euskararen biziberritzea helburu duten neurrien kontra auzitegietatik jasotako sententzia sortaren aurrean" sortutako "kezkak" eraginda.
Azpeitiko hainbat herritarrek bat egiten dute deiarekin eta bi autobus abiatu dira Bizkaiko hiribururantz. Manifestazioa 17:00etan abiatuko da, Euskaldunatik.