Domusa Teknik 40 MLK mendi lasterketaren antolatzaileek azaldu dutenez, "arrakastatsua" izan zen larunbat goizean egin zuten entrenamendu saioa. Malen Osak gidatuta egin zuten, 70 pertsona inguruk parte hartu zuen; horietatik 45 emakumeak. Izan ere, entrenamendu saio hauen helburuetako bat mendi lasterketetan emakumeen parte hartzea sustatzea da, eta horietan parte hartzeko gizon batek gutxienez emakume batek lagunduta joan beharra dauka.
Larunbateko irteeran, eguraldia lagun, ibilbideaz gozatzeko aukera izan zutela adierazi dute Domusa Teknik 40 MLKen antolatzaileek. Entrenamendu saioaren bukaeran, hamaiketakoa eta hitzaldia egin zituzten.
Abenduaren 2an egingo dute hurrengo irteera.