Hiru festa egun izango dituzte Lasaon, bihartik igandera bitartean. Samartinetan ohikoak dituzten ekintzak antolatu dituzte aurtengorako ere, adin guztietako auzotarrak kontuan hartuta. Festak hasteko txupinazoa bihar (20:00) botako dute, baina zapatuan haurrek (12:30) beren jaietako suziria jaurtiko dute, buruhandien kalejira eta beraientzako festetako ekintzak hastearekin batera.
Lasaoko samartinetan ohi bezala, igandean auzoko produktuen eta abereen azoka eta erakusketa egingo dituzte.
Egitaraua:
- Azaroak 10, ostirala
- 20:00. Txupinazoa
- 20:30. Bertso afaria, auzoko elkartean. Andoni Egaña eta Oier Etxeberria bertsolariekin, eta. Itzeder eta Txibilter trikitilariek girotuta. - Azaroak 11, larunbata. San Martin eguna.
- 11:00 Meza.
- Ondoren, auzoko adinekoentzat hamaiketakoa, elkartean.
- 12:30. Haurren txupinazoa eta buruhandiak.
- 13:00. Iago magoaren magia ikuskizuna.
- 14:00. Auzoko haur eta gaztetxoen bazkaria.
- 16:00. Puzgarriak, frontoian.
- 17:00. Txokolate jana. - Azaroak 12, igandea
- 11:00. Lasaoko abere eta nekazal produktuen azoka eta erakusketa.
- 11:30. Zestoako Idiakaitz txistulari taldea, eta Ioritz eta Iraitz trikitilariak. Erraldoien eta buruhandien kalejira.