Euskal Antzerki Topaketetako egitarauaren barruan, Kamikaz Kolektiboaren Troia kale antzerkia izango da bihar, larunbata, 12:30ean. Erika Olaizola azpeitiarra, Amancay Gaztañaga zestoarra eta Iraia Elias zarauztarra dira lan horretako aktoreak, eta berez, Soreasuko plazan ziren antzezlana egitekoak. Dena den, biharko eguraldi txarra iragarri dutenez, Dinamoa sormen gunean izango da emanaldia.