Azpeitiko Udalak atzerriko ikasketen homologazioaren informazio saioa antolatu du datorren astelehenerako, hilaren 20rako. Bidez bide elkarteko kideek gidatuko dute ekintza eta atzerrian ikasketak egin izanaren agiriaren onarpen ofiziala lortzen erakutsiko diete bertaratzen direnei; horretarako bete beharreko prozesuaren eta baldintzen inguruko informazioa eta aholkularitza eskainiko dituzte.
Beren jatorrizko herrialdeetan egindako ikasketak baliozkotu nahi dituzten pertsonei bideratutako saioa da, eta, besteak beste, DBHko, batxilergoko, unibertsitateko eta Lanbide Heziketako tituluak dira homologatu daitezkeenak. Gazteleraz izango da jarduera, 15:30ean Basazabalen.