Bihar 18:00etan zabalduko da Domusa Teknik 40MLK mendi lasterketan izena emateko epea Kronoak.com webgunean. Antolatzaileek jakinarazi zuten moduan 2024ko maiatzaren 4an izango da aurten lasterketa eta bi ibilbide ezberdin izango ditu; 65 kilometrokoa eta 26 kilometrokoa.
Aipatu zuten, bestalde, lasterketa nagusirako 550 dortsal egongo direla eskuragarri; laburrerako, aldiz, 250. Izena ematen duten lehenengo 550ek eta 250ek email bat jasoko dute eta 72 orduren barruan ordainketa egin beharko dute; gainontzekoak itxaron zerrendan geratuko dira. Ordainketa egiten ez bada itxaron zerrendaren hurrenkeran joango dira emilak bidaltzen. "Data eta ordua" gordetzeko esan dute antolatzaileek, aurreko urtean dortsalak bi orduren baitan agortu baitziren.