Zestoako Leok'k Musika Kultur Elkarteak antolatuta ikus-entzunezko proiekzioa eta kontzertua izango dira ostiralean Soreasu antzokian, 20:30etik aurrera.
Alde batetik, Euskal Rockaren Sorrera filma ikusteko aukera egongo da; eskualdeko rockaren lehen urteetan protagonista izan ziren eta gaur egun ahaztuta dauden taldeei aitortza egingo zaie, orduko rockaren mugimendu kulturala oroituz. Bestetik, 1968an Zestoan eratutako Leok'k rock taldea izango da oholtza gainean eta iaz ateratako Bizirik hala ere albuma aurkeztuko dute bertan.