Santa Zezilia egunaren bueltako kontzertua prestatzeko Azpeitiko Musika Bandak egun batez alde batera utziko du ohiko entsegu lekua, eta Sanagustinen egingo dute, herritarrentzat irekia. 21:00etan hasiko da entsegua.
Musikarien egunean, azaroaren 22an, Juan Antxieta musika eskolako kideak igo ziren oholtza gainera; larunbatean, aldiz, Azpeitiko Musika Bandaren txanda izango da: 12:30ean hasita Santa Zezilia kontzertua joko dute Sanagustin kulturgunean eta honako piezak interpretatuko dituzte: March Shinning road, Ryo Kiuchi; Mazurca, Kei Misawa; Ali Babaren kondaira (Ezkutuko altxorra; Desertuko ipuinak; eta 40 lapurrak), Appermont -Van Baelen; Exultante, Samuel R. Hazo; Jigs, herrikoia, Carlos Marques-en moldaketa; eta New sounds in disco!, Naohiro Iwai-ren moldaketa.