Hilero azken ostiraletan egin duten bezala, atzo ere, Azpeitiko Sareren deiari erantzunez, dozenaka lagun bildu ziren 19:00etan plazan, euskal presoen eskubideak aldarrikatzeko. Konponbiderako giltzak. Gotzon gurekin zioen pankartaren atzean orduerdiko elkarretaratzea egin zuten hara bertaratutakoak.
Konponbiderako Giltzak kanpainaren barruan, datozen asteetan eta Gabonen bueltan hainbat jarduera antolatzekoak dira herrian, eta horiei adi egoteko eta horietan parte hartzeko deia egin zuten Sareko kideek duela aste batzuk egindako agerraldian.