EITBren Altxa Komedia bakarrizketa saio berriaren grabazioak hartuko ditu etzi eta asteazkenean, abenduaren 11n eta 13an, Sanagustin kulturguneak.
Grabazio horietarako publikoa inguratzeko deialdia egin zuten saioaren ekoizleek duela bi aste. Orain, deialdia berritu dute, baina bigarren grabazio saiorako bakarrik, hilaren 13an 17:00etatik 20:30era egingo dutenerako. Etzirako osatu dira ikus-entzulez. Aldiz, asteazkenean Sanagustinera joan nahi duten 18 eta 45 urte arteko herritarrak izena emateko garaiz dabiltza; formulario hau bete behar dute horretarako, abenduaren 13a aukeratuta. Grabazioak irauten duen bitartean publikoarentzat pintxoak eta edariak egongo direla aurreratu dute saioaren arduradunek.