Urtero legez, Erniarraitz bertsozale elkarteak Txapelen omenezko bertso saioa antolatu du. Bihar, 22:00etatik aurrera, hainbat bertsolari ezagun ikusi ahal izango dira oholtza gainean kantuan.
Honako bertsolariak entzuteko aukera egongo da bihar Soreasun: Maialen Lujanbio, Andoni Egaña, Oier Etxeberria, Julene Iturbe, Nerea Ibarzabal eta Sustrai Colina. Gai jartzaile lanak, aldiz, Haritz Etxeberria Ministrok egingo ditu.
Bertso saiorako sarrerak salgai daude oraindik, 10 eurotan. Sarrerak honako loturan eros daitezke.