Hurrengo astean hasiko da, ofizialki, txotx garaia Euskal Herriko sagardotegietan, baina Añotan larunbatean ekingo diote aurtengo denboraldiari, urtero egin ohi duten irekiera ekitaldiarekin. 14:00etan ekingo diote ekitaldiari.
Aurten, Jon eta Unai Alberdi pilotariak izango dira Añotako txotx denboraldiaren irekiera ekitaldiko gonbidatuak zein protagonistak. Jon Alberdik azaroan jakinarazi zuen pilota utziko zuela. Haren ibilbideari aitortza egiteko modua izango da larunbateko ekitaldia.
Ohi bezala, ez da trikiti doinurik faltako sagardotegian, eta Izer eta Alabier arituko dira hura girotzen. Loidisaletxe II.a eta Xebastian Lizaso, berriz, bertsotan arituko dira.
Txotx irekieraren bazkarira joan nahi duenak erreserba egin eta izena eman dezake Añotako 943-81 20 92 telefono zenbakira deituta.