Bihar, osteguna, ozen entzungo dira berriro Azpeitiko danborradaren doinuak Izarraitz pilotalekuan. Han, 21:00etan hasita, etzi zortziko helduen danborradarako lehen entsegu nagusia egingo dute. Iritsi da danbor festari lotutako errepertorioari hautsak astintzeko unea, eta urtero bezala, Uztarria.eus-ek danborradako piezekin osatutako bilduma osatu du eta kanta guztiak entzungai jarri ditu aurten ere.
Hamasei kanta ditu dagoeneko Uztarriaren sansebastianetako play-listak, lehen aldiz iaz jo zuten Batasuna piezaren Unai Frantsesenaren bandarako moldaketa gehituta.