Jakin badakigu sansebastianetan danborra jotzen artista zarela, baina zenbat dakizu festan parte hartzen duten taldeei buruz? Uztarria Gukak lehiaketa berezia jarri du martxan gaur: Azpeitiko San Sebastian festen inguruko galdera-erantzunen jokoa. Hain zuzen ere, jaian danborra edo barrika jotzen duten 30 taldeen inguruko 10 galdera erantzuteko aukera izango dute herritarrek.
Osteguneko 12:00etara arte izango da martxan lehiaketa, eta galdera guztiak asmatzen dituzten herritarren artean Kontxi arrandegiko arrainez eta itsaskiz osaturiko otarrea zozkatuko du Uztarria Gukak.
Animatu, eta parte hartu!