Hasiera bat bakarkako lehen diskoa aurkezteko kontzertu biraren sarrera guztiak gaur eguerdian jarri ditu salgai Gorka Urbizuk eta, espero zitekeenez, minutu gutxiren buruan agortu dira guztiak; tartean, musikari nafarrak ekainaren 7an Sanagustin kulturgunean emango duen kontzertukoak.
Arratsaldean, ordea, emanaldi eta data berriak iragarri ditu Urbizuk birako toki gehienetarako, baita Azpeitirako ere. Sanagustinen emango duen bigarren kontzertua ekainaren 8an izango da, zapatuan, eta bigarren kontzertu horretarako sarrerak bihar, osteguna, 12:00etan jarriko dituzte salgai Kulturaz.eus webgunean.