Baigera jubilatuen eta pentsiodunen elkarteak bilerara deitu ditu Baigera II-ko erabiltzaileak datorren otsailaren 7rako, 16:30ean, Baigera II-n bertan. Jubilatuen Sanjuandegiko lokalak hilabeteak daramatza itxita, taberna kudeatzeko udalaren lehiaketa deialdia hutsik gelditu da, eta egoerari irtenbidea eman nahi dio Baigerak. "Erabiltzaileen kexak goruntz doazela eta arrazoi dutela" dio Baigerak, eta batzordekideak "alternatibak topatzera beharturik" ikusten dute beren burua.
Elkartearen eta udalaren ordezkariak izango dira bileran, eta kudeatzaile berria azaldu bitartean "lokala irekitzeko modua nola bideratu" aztertu nahi dute erabiltzaileekin.